Herri Urrats jairako Neoma taldeak ondutako ‘Hor gaude’ abestia eta bideoklipa aurkeztu dituzte

Nerea Ibarzabal bertsolari bizkaitarra da hitzen egilea: “Ortzadarrari egiten dio erreferentzia eta baita Beskoitzeko Ikastola pairatzen ari den egoerari ere. Euri, eguzki, trumoi, haize edota lurrak ukatuta ere, Herri Urratsek aurrera jarraitzen du Iparraldeko Ikastolen alde, horrexegatik izenburua: Hor gaude”.

Pasa den urteko uholdeen ostean, Ortzadarra lelopean egingo da 2024ko Iparraldeko ikastolen aldeko jaia maiatzaren 12an, Senpereko lakuan. Neomak taldeak egin du aurtengo abestia eta bildutako dirua Beskoitzeko ikastola berria eraikitzeko izango dela nabarmendu dute antolatzaileek.

Hor gaude abestiari dagokionez, “zertarako den kontuan hartuta, hasieratik genuen argi kantua alaia eta itsaskorra bezain aldarrikatzailea izan behar zela. Bestalde, kantu parte-hartzailea izatea ere nahi genuen”, adierazi du taldeak.

Lan prozesuari erreparatuta, “melodia batzuk sortu genituen eta horri gure musika tresnak gehitzen sortu zen Hor gaude. Edozein esparrutan eta edozeinek abesteko kantua dela uste dugu eta publikoak ikastoletan, zein herriko festetan abestea nahiko genuke”, adierazi dute taldekideek.

Nerea Ibarzabal bertsolari bizkaitarra da hitzen egilea: “Ortzadarrari egiten dio erreferentzia eta baita Beskoitzeko Ikastola pairatzen ari den egoerari ere. Euri, eguzki, trumoi, haize edota lurrak ukatuta ere, Herri Urratsek aurrera jarraitzen du Iparraldeko Ikastolen alde, horrexegatik izenburua: Hor gaude”.