Argazkia: Erran.eus
Sara, Urdazubi, Zugarramurdi, Etxalar, Bera eta Ainhoako herrien arteko harremanak bermatu eta euskara sustatzeko asmoz, sortu zen iaz Herri Haitada Saran, Izarrak errugbi taldearen eskutik. Aurten Ainhoan egingo da ekimena, maiatzaren 18an eta sei herrietako parte hartzaileak hamabi proba desberdinetan lehiatu beharko dira: oinezko lasterketa, mendi bizikleta, pilota, sukaldaritza, dantzak, bertsuak, euskal jokoak, kultur quizz… Herri bakoitzak 40 laguneko talde mistoa eta adin guztietakoa osatu beharko du desafioetan parte hartzeko. Joko guztietan herrika irabazten dira puntuak eta egunaren bukaeran puntu gehien bildu dituen herriak irabazten du. Iaz, Saran egin eta bertakoak nagusitu ziren, Ainhoak berriz, bigarren postua lortu zuen.
Probak goizeko 8:15ean hasiko dira eta egun osoan luzatu, arratsaldeko 19:00etara arte. Ondoren, indarrak biltzeko afari baten inguruan elkartuko dira sei herrietako parte hartzaileak, bertsolariak eta Los Botxeros taldeak alaiturik.
Egun guztian zehar musika taloak eta ostatua izango dira Ainhoan.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian