Bertso Udalekuetan begirale, zuzendari edo sukaldari lanak egitera joan nahi duten guztiek izena emateko aukera izango dute otsailaren 16ra arte. Begirale praktikak egin nahi dituztenentzat ere zabalik dago deialdia. Hezitzaileen izen-ematea amaitu ostean, udalekuetan parte hartu nahi duten gaztetxoen txanda izango da: martxoaren 3an irekiko da izena emateko epea.
Otsailaren 6an zabaldu da izena emateko aukera eta otsailaren 16ra arte egongo da zabalik. Izen-ematea webgune honen bidez egin daiteke, formularioa beteta. Apirilean jakinaraziko zaie izena eman dutenei nortzuk hartuko duten parte lantaldean.
Hautatutakoek hezitzaileen prestaketa asteburuan hartu beharko dute parte, maiatzaren 9tik 10era, Astigarragako Santiagomendi aterpean. “Parte hartzea ezinbestekoa da Bertso Udalekuen antolaketa ona ziurtatzeko”, nabarmendu dute.
Bidarrain, Sarrian, Uitzin eta Zuhatzan izango dira aurtengo egonaldiak; guztiak, uztailean eta txanda batean baino gehiagotan parte hartu ahal izango dute interesa dutenek.
Hezitzaileen izen-ematea amaitu ostean, udalekuetan parte hartu nahi duten gaztetxoen txanda izango da: martxoaren 3an irekiko da izena emateko epea. Hemen da Txandei buruzko informazioa eta Bertso Udalekuetako eskuorria.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian