ETAko kide ohiak 33 urte eman ditu Afrikan deportatuta. Caminho longe dokumentalak haren itzulera kontatuko du.
Josu Martinez eta Txabi Larreategik zuzendutako eta Hibai Castrok fimatutako dokumentalak Alfonso Etxegarai (Plentzia, 1958) euskal erbesteratuaren eta bere bikotekide Kristiane Etxaluzen istorioa kontatzen du, “ikuspegi humano batetik, baina baita politiko batetik ere, lehenengo pertsonan, Alfonsoren begietatik”, azaldu du Larreategik.
34 urte igaro dira Etxegarai Afrikako Sao Tome uhartera heldu zenetik. Frantziak erbesteratu ostean, Espainiako agintariek hara bidali zuten. Ordutik hona linbo legal batean egon da, pasaporterik eta bisarik gabe. Orain baina, Plentziara, bere herrira, itzultzea erabaki du eta dokumentalean bidaia bera kontatzen dute.
Crowdfunding kanpaina
Oraindik kitatu gabe dauden dokumentaleko produkzio-gastuak (prestaketa, talde teknikoa, bidaiak, filmatzea, muntaia, musika, irudi-posprodukzioa, audio-nahasketak eta filmaren amaitzea) finantziatzeko, lantaldeak crowdfunding kanpaina abiatu du.
Caminho Longe duela hamar urte Martinezek eta Larreategik zuzendutako Sagarren denbora filmaren jarraipen gisa har daiteke.
Lan berria Adabaki Ekoizpenak-ek ekoiztu du baina, IPES, Gastibeltza Filmak eta Zinez-en laguntza ere badu.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian