Eskean Kristök azaroaren 9an aurkeztuko du Beste belaze batzuen gozoan izeneko disko berria, taldearen hirugarrena. Iragarri dutenez, Igorreko Kiñu gaztetxean eskainiko dute kontzertua eta bertan grabatu dituzten hamar kantuak entzun ahal izango dira lehenengoz.
Arratiakoak hala ere, Zaldiak negarrez, euren aurkezpen kantua argitaratu dute bideoklip eta guzti.
Talde bizkaitarrak 2012. urtean argitaratu zuen lehenengo maketa eta, haren ondoren, beste bi lan luze argitaratu dituzte: Azote kaldüz! (2014) eta Ezkurrik onenak (2016). Bilduma berriarekin beraien soinua gaurkotu eta dotoretu dutela diote, rock&roll klasikoa oinarri hartuta betiere. “Eskean Kristö-ren koktelera partikularrean rock & rollak ezin hobeto konbinatzen du psikodelia, powerpop, punk, blues, bossanova eta latindar doinuekin”. Taldearen arabera bestalde, aparteko grina, gogoa eta indarra jarri da disko honetan.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian