Maiatzaren 4an (larunbata) egingo da Sopelan, AEKren eskutik, Esaera Zaharren Txapelketaren 26. edizioa. Ohi bezala, atsotitzak, bertsoak, tabernak, musika eta euskara nahastuko dira bertan, goizetik hasita eta arratsaldera arte. Aurten, gainera, Arrate Illaro eta Beñat Gaztelumendi bertsolariek parte hartuko dute. Antolatzaileek dei egin dute jendeak txapelketan parte hartu dezan: “Benetan egun ederra pasatu nahi baduzue, sailkapen fase, herri-bazkari, final eta guzti, osatu taldetxoa (2, 3, edo 4 lagun) eta animatu parte hartzen, probatu dutenek errepikatu egiten dute”.
Txapelketa honen helburua puntuak pilatzea da, bertsoak eta esaerak lotu ahala. Atsotitzak zerrenda batean daude (100), aurretiaz ikasteko hemen. Izan ere, txapelketan ezin da zerrenda eskuragarri izan. Atsotitz horietako bat, haatik, ez da benetakoa; saria zozketatuko da “faltsua” antzematen duten lagunen artean.
Izena emateko azken eguna apirilaren 29a izango da, astelehena. Aurtengo esaeren zerrenda eskuratzeko edota informazio gehiago lortzeko, bidali mezua esaera.zaharrak@aek.eus helbidera, edo sartu www.aek.eus atarian.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian