Euskal literatura indartzeko beste urrats bat emateko amoz, datorren udazkenean Jokin Mitxelena ilustratzailea Abadiako eremura joango da istorio berri bat garatzeko.
Mitxelena ilustratzaile bezala ezagutu dugu hainbat urtez, baina denboratxo bat bada idazketan ari dela eta Nekatoenean egingo duen lau asteko egonaldian, Puka txakurraren istorio bat osatzeko proposamena aurkeztu du, zortzi urte inguruko haurrei zuzendua.
Gaia: Puka txakurrrak Pasai Donibanetik ihes egin eta Hendaiara joateko bidean gertatutako abenturak kontatuko ditu; mendiko bidezidorrak, itsasoko uhainak eta munstroen parajeak zeharkatuz. “Nekatoenean, lasai lan egiteko leku aproposa da…” azaldu du idazleak.
Abadia eremuko baserri bat da Nekatoenea eta bertan hainbat diziplinatako sortzaileei egonaldiak eskaintzen zaizkie, beren proiektuak gara ditzaten. Bederatzigarren edizio honetan ere Nekatoeneak Euskal Kultur Erakundea eta Euskal Idazleen Elkartea ditu partaide antolaketa, epaimahaia eta, EKEren aldetik, baita finantzaketan ere.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian