Azaroaren 10era arte egongo dira margolanak Ziudadelako Bolborategia aretoan ikusgai.
Margolanez osatutako bilduma da Gaur Kexati nabil! eta Angel Presencioren (Iruñea, 1969) bizipenetatik abiatzen da. Arrakastarik gabe arte-esparruko hainbat deialditan sartzeko egindako saiakeretatik eta bizipen horiei emandako erantzun plastikotik, hain justu.
Presencio bere bizipenak islatzen saiatzen den margolaria da, “protestatik ongi egindako margolanek sortutako gozamenera”. Oraingoan baina, Richard Avedok Pirelliren egutegirako egindako argazkiak olio pinturan birsortu ditu margolariak.
Artistak marrazketa-ikasketak egin zituen Iruñeko Arte eta Lanbide Eskolan eta Arte Ederretan lizentziatua da. Banakako erakusketak egin izan ditu Iruñean eta Madrilen, eta taldekakoak, beste hainbat hiritan.
Erakusketa azaroaren 10era arte egongo da zabalik, asteartetik ostiralera (18:30 – 21:00), larunbatetan (12:00 – 14:00 eta 18:30 – 21:00) eta igande zein jaiegunetan (12:00 – 14:00). Astelehenetan itxita egoten da.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian