[Bideoa] Giza Eskubideen Zinemaldiak eta Hemen elkarteak film laburren online proiekzioa eskainiko dute

Zazpi film laburren proiekzioa eskainiko dute #DKEtxean egitarauaren barruan. Solasaldia ere egongo da sortzaileekin.

Hemen ikus-entzunezko emakumeen elkarteak eta Donostiako Giza Eskubideen Zinemaldiak zazpi film laburren proiekzioa eskainiko du sarean, #DKEtxean egitarauaren barruan. Ondoren, solasaldia ere egongo dela iragarri dute. Bertan, film laburrak zuzendu edo ekoiztu dituzten emakumeek parte hartuko dute.

Film laburrek giza eskubideak dituzte ardatz. Filmak  gaurtik, apirilak 27, maiatzaren 3ra arte egongo dira ikusgai. Solasaldia, aldiz, apirilaren 30ean egingo da, arratsaldeko 18:30ean, Hemen elkartearen Facebook kontuan (@HemenHere). Saioa zuzenean izango da eta aurkeztutako film laburren sortzaile Amaia San Sebastianek, Maria Aizpuruk, Emily Lobsenzek, Ainhoa Urgoitiak, Nagore Ezeizak eta Esti Urresolak hartuko dute parte. Moderatzaile lanak Hemen elkarteko Tessa Andonegi aktoreak egingo ditu.

Bestetik, Filmin online plataforman aurreko zinemaldietako pelikulak ere jarri dituzte ikusgai, besteak beste.

Proiektatuko diren film laburrak

El tigre (2019). Zuzendaria: Amaia San Sebastian. Euskal Herria. 1 min

No estamos solas (2016). Zuzendaria: Maria Aizpuru. Euskal Herria. 15 min

The Clock (2019). Zuzendaria: Emily Lobsenz. AEB. 11 min

Cosiendo futuros (2019). Zuzendaria: Enrique Rey / Gidoia eta ekoizpena: Ainhoa Urgoitia. Euskal Herria. 20 min

Naqam Diamond (2019). Zuzendaria: Amaia San Sebastian. Euskal Herria. 6 min

Klimatika (2019). Zuzendaria: Nagore Ezeiza. Euskal Herria. 26 min

Nor-Nori-Nork (2019). Zuzendaria: Esti Urresola. Euskal Herria. 18 min

Informazio guztia hemen.

https://www.youtube.com/watch?time_continue=2226&v=ShVhHVVpZkQ&feature=emb_logo