Idazleen eta musikarien arteko elkarreraginetik sortutako kantagintzari buruzko ikastaroa da Egia Bizirik, Egian Euskaraz eta Donostia Kultura eragileek antolatu duten Hitzen Ahairea. Bizkaiko bi sortzaileak Donostiako Egia Kultur Etxean arituko dira arratsaldeko 16:30etik 20:30era.
“Zein harreman du kantatzen dugunak gure izaerarekin? Zenbateko eragina du entzuten dugunak gure diskurtsoan? Zeintzuk dira gure erreferenteak? Zergatik irauten dute kantu batzuek gure gogoan betiko iltzaturik? Gure euskaltasunean zenbat zor diogu literaturaren eta musikaren lankidetzatik sortutako kantagintzari? Zergatik ez dugu kantatu emakumeek idatzitakorik? Inork kantatu ote dio bere hizkuntzari euskaldunok baino gehiago? Eta bihar, zeri kantatuko diogu?” Galdera guzti horiei erantzuteko asmoz sortu zuten Hitzen Ahairea izeneko ikastaroa Gotzon Barandiaran idazleak eta Rafa Rueda musikariak.
Idazleen eta musikarien arteko elkarreraginetik sortutako kantagintzari buruzko ikastaroa da Egia Bizirik, Egian Euskaraz eta Donostia Kultura eragileek elkarrekin antolatu duten Hitzen Ahairea. Barandiaranek eta Ruedak Donostiako Egia Kultur Etxean eskainiko dute ikastaroa, azaroaren 27an, arratsaldeko 16:30etik 20:30era.
Ikastaro honetan parte hartu nahi dutenek aldez aurretik eman beharko dute izena: egiakulturetxea@donostia.eus helbidera idatzita, Kultur Etxean bertan edota 943 291514 telefono zenbakira deituta.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian