Urtarrilaren 21 eta 28an, irakurketa publikoaren profesionalek joan berri den urteko euskarazko berritasunen hautaketa baten deskubritzeko parada ukanen dute. Honela, literatura, disko eta ikus-entzunezko produkzioari buruzko ezagutzak hobetzeko aukera eskainiko zaie.
2010az geroztik Bilketa proiektuarekin bat eginik, Baionako Mediatekaren eta Biblio64-ren partaidetzarekin, Euskal Kultur Erakundeak euskararen eta euskal kulturaren inguruko sentsibilizazio egunak antolatzen ditu irakurketa publikoaren profesionalen sarearentzat. Horrela, 2021. urte hasiera honetarako, euskarazko berritasunak nabarmenduko dira bi web mintegiren bidez:
Urtarrilaren 21ean izango da lehena, goizeko 10:00etatik 12:00etara, sarean: Helduen saileko euskarazko berritasunen aurkezpena, Elkar liburu-dendako Peio d’Uhalt-en eskutik.
Urtarrilaren 28an, berriz, ordu berean eta sarean baita ere bigarrena izango da: Haur eta gazte saileko euskarazko berritasunen aurkezpena, Libreplume elkarteko Ana Imaz eta IKAS-eko Elise Dilet-en eskutik.
Irakurketa publikoaren profesionalak jarraitzeko programaren barnean antolatzen diren topaketa guztietan bezala, bi web mintegiak euskaraz iraganen dira, bat-bateko itzulpenarekin.
Izen ematea zabalik da
Izen ematea online edo Bibio64-eko Stephanie Medranori deituz (05 59 02 97 37) egin ahal izango da.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian