Aurten, “iraganean gertatutakoa sekula ahaztu ez dezagun, oroimen historikoa izango dute ardatz emanaldiek”. Horretarako, Bizkaiko hiru gune esanguratsu aukeratu ditu Euskaltzaleen Topaguneak: Otxandio, Barakaldo eta Ondarroa.
Pasa den urteko formatu berarekin dator Udagoieneko Ostera Hegan zirkuituaren 22. edizioa ere. Euskaltzaleen Topaguneak azaldu duenez, “aurtengoan ere, tamalez, kontzertuak publikorik gabe izan beharko dira nahitaez, baina ez arduratu, webgunean ikusi ahal izango dituzue lasai askoan, etxeko sofatik bertatik”.
Aurten, “iraganean gertatutakoa sekula ahaztu ez dezagun, oroimen historikoa izango dute ardatz emanaldiek”. Horretarako, Bizkaiko hiru gune esanguratsu aukeratu dituzte: Otxandio, Barakaldo eta Ondarroa. “Mikel Urdangarin, Xamanak eta Olatz Salvadorren doinuei helduta iraganeko pasadizo lazgarrietara hegan egitera gonbidatzen zaitu Udagoieneko Osterak, atzo gertatukoa ez dezagun ez gaur ez bihar ahantzi”, azaldu du Euskaltzaleen Topaguneak.
Azaroaren 12tik 28ra bitartean egongo dira kontzertu guztiak denontzat ikusgai Udagoieneko Ostera zirkuituaren webgunean. Ostiralero kontzertu bat estreinatuko da eta asteburuan zehar, webgunean egongo da eskuragarri: azaroaren 12tik 14ra, Mikel Urdangarin Otxandion; azaroaren 19tik 21era, Xamanak Barakaldon eta azaroaren 26tik 28ra, Olatz Salvador Ondarroan.
Udagoieneko Ostera Hegan zirkuituak kulturaren bitartez euskararen erabilera sustatzea du helburu.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian