Dagoeneko bi daude irakurgarri webgune berrian: Itxi dezagun zirkulua, koplak, bertsoak eta dagozkien azalpenak biltzen ditu Amurizak honetan eta Harrien mintzoa, pentsaera eta sentiera bat islatzen duten bostehun bat esaldi jaso ditu bigarren honetan. Hurrengoa Lehoiaren zainak izango da eta laster argitaratuko duela iragarri du. Poema eta artikuluen bilduma izango da.
Xabier Amuriza idazle eta bertsolariak (Etxano, Bizkaia, 1941) www.amuriza.eus izeneko webgunea jarri du martxan. “Etxe hau zabalik dago. Nire ordenagailuan bada gordeleku bat, adinarekin batera betetzen doana. Adina ezin dut deskargatu, baina lanak bai. Era askotakoak. Banan-banan, baina jarraitu samar, jaregin nahi ditut, nire denbora hurbiltzen baitoa mugara. Ondo etorria! Etxe hau zabalik dago, geratzeko nahiz joateko”, dio webgune berrirako idatzi duen sarreran.
Hala, Bertsolariaren asmoa da bere lanak sareratzen joatea eta dagoeneko bi jarri ditu jendearen eskura: Itxi dezagun zirkulua, koplak, bertsoak eta dagozkien azalpenak biltzen ditu Amurizak honetan eta Harrien mintzoa, pentsaera eta sentiera bat islatzen duten bostehun bat esaldi jaso ditu bigarren honetan.
Hurrengoa Lehoiaren zainak izango da eta laster argitaratuko duela iragarri du. Poema eta artikuluen bilduma izango da.
Horrela gehituz joango dira beste lan batzuk ere, genero ezberdinetakoak, nahi duenak irakurri edota jaitsi ditzan, doan.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian