Ostegun honetan abiatuko da kontzertu zikloa Amorante eta Rukula bakarlari eta taldearekin. Abuztuaren 6an, berriz, Haira eta Bretainiako La Houle taldeen txanda izango da eta, amaitzeko, abuztuaren 13an Dame Area eta Nakar taldeak igoko dira Plekako baratzeko oholtzara.
2023 udan, Sarako Usopop elkarteak, Plekarekin elkarlanean, Furfurietan izeneko kontzertu zikloa antolatu du Plekako baratzean bertan. Adierazi dutenez, “urririk eta publiko guzientzako egitarau berezia eta ainitza izango da”.
Ostegunean, hilak 13, emango diote hasiera zikloari Amorante eta Rukula taldeekin. “Hasieratik Usopopen bidelagun izan den artista elgoibartar sailkaezina laster kaleratuko duen diskoa aurkeztera dator. Harekin batera Usurbilgo laukote instrumentalak rock doinu dantzagarriekin mugiaraziko gaitu”, diote antolatzaileek.
Abuztuaren 6an izango da hurrengo hitzordua Haira saratarra eta La Houle talde britainiarraren eskutik.
Furfurietan zikloari amaiera emateko, abuztuaren 13an, “Dame Area tekno punk talde italo-katalan fenomenoak eta Nakar Donostiarren elektro-pop doinuek pentzeari sua emango diote”, nabarmendu dute Usopop elkarteko kideek.
You may also like
-
Azken Dantza izenpean, Pantxoak eta Peiok euren ibilbideko azkena izango den kontzertua egingo dute 2027ko urtarrilaren 10ean, BECen
-
La Mapatxa konpainiaren ‘Loreen Hizkuntza’ antzezlanak irekiko du Gasteizko Udal Antzoki Sarearen neguko denboraldia
-
Ikastolen Elkarteak ere abenduaren 27an, Bilbao Arena euskaltzalez betetzeko deia egin du
-
Urtarrilaren 19tik 25era bitartean egingo dute Euskal Nobela Beltzaren Astea Baztanen
-
‘Hauspoa & Tunela’, trikitiaren sorlekua Zumarraga dela agerian uzten duen dokumentala estreinatuko dute ostiralean Donostian