Joseba Jaka beka martxan jarri du Elkar Fundazioak

Deialdi honetara literatura lanak, narratibako lanak (eleberri edo ipuin bildumak), idazteko proiektuak aurkez litezke. Saria 10.000 eurokoa izango da eta irabazleak izendapena jaso eta urtebeteko epea izango du, gehienez, lan amaitua helarazteko.

2023-2024ko deialdia musika lanei eskaini ondoren, bi urtez behin antolatzen den edizio honetara literatura lanak, narratibako lanak (eleberri edo ipuin bildumak), idazteko proiektuak aurkeztu ahal izango dira, jatorrizkoak eta euskaraz sortuak, beste inondik moldatu gabeak eta aurretik saririk jaso edo argitaratu ez direnak.

Proiektuak 2023ko azaroaren 39era arte bidali ahal izango dira helbide hauetara: josebajakabeka@elkar.eus edo Joseba Jaka beka idatzita, Elkar Fundazioa. Haizpea poligonoa, 1. 20150 Aduna helbidera.

Jasotako proiektu guztiak Elkar Fundazioak osatutako epaimahai batek aztertuko ditu eta erabakiko du haien artean zein den irabazlea. Epaimahaia honako lagunek osatuko dute: Irati Majuelok, Itziar Ugartek, Iban Zalduak eta Elkar Argitaletxeko editore batek botorik gabe, idazkari lanetan.

2024ko apirilean emango da ezagutzera bekaren irabazlearen izena. Antolatzaileek iragarri dutenez, aurkeztutako lanek behar adinako kalitaterik ez dutela iritziz gero, beka eman gabe utz dezake epaimahaiak.

Beka 10.000 eurokoa izango da eta irabazleak izendapena jaso eta urtebeteko epea izango du gehienez lan amaitua Elkar Fundazioari helarazteko.

Aurreko edizioan epaimahaiko kideek Ines Osinagaren Itsasoa da bide bakarra izeneko proiektuaren alde egin zuten.

Joseba Jaka Bekari buruzko argibide gehiago, hemen.