Unai Requejoren argazkiak ikusgai Bilboko Rekalde aretoaren erakusleihoan

Irudien arteko elkarrizketa bat da erakusketa, eta irudi baten gaiak hurrengo irudiari daude lotuta. Atmosfera eta argia aldatzen dira bat-batean, eta haien arteko elkarrizketak sortzen doaz.

Hitz-joko eta anagramen joko batean oinarritu du lana Unai Requejo artistak (Santurtzi, 1982): Kontserbazioa, Elkarrizketa, Bertso-kanta eta Euskal txokoa

Irudien arteko elkarrizketa bat da erakusketa, eta irudi baten gaiak hurrengo irudiari daude lotuta. Atmosfera eta argia aldatzen dira bat-batean, eta haien arteko elkarrizketak sortzen doaz.

Hurrengo anagramak, bertso-kanta delakoak, erakusketan murgiltzen joateko aukera emango dio bisitariari, eta honako hau adierazten da bertan: “beti sortu daiteke istorio edo harreman bat ustez interesik gabekoak diren leku edo egoeretatik”.

Euskal txokoa kontzeptuari dagokionez, Etxetxuko orubea agertzen da. Bertan, marra bertikal batekin markatuta daude pilotalekuaren txokoaren ideia edo txoko bitxi baten ideia, baina, aldi berean, leku ez diren eta ertzei erreferentzia egiten dien ideia bat ere bada. Gainera, baliteke euskal txokoak ez izatea, eta bakarrik izatea irudi lauagatik leku edo errealitate baterako bisita ordezkapena. Ideia horri lotuta, erakusketaren antolaketa atlas bat dela esan daiteke.

Bestalde, txoko bitxi batzuk egongo dira ikusgai, hala nola Barrikako itsaslabarrak, Muskizko findegia gauez edo Bilboko Superportua handitzeko obren lehenengo egituretako bat, 1996. eta 2011. urteetan ateratako argazkiekin.

Jarduera osagarriak

Erakusketa osatzeko beste jarduera batzuk ere programatu dira, besteak beste, tailer bat eta bitartekaritza-jarduera bat. Jarduera guztiak doakoak izango dira, eta ezinbestekoa izango da aldez aurretik izena ematea 94 406 85 32 telefono zenbakira deituta edo salarekalde@bizkaia.eus helbide elektronikora idatzita.

Irailaren 21ean, Requejok bi orduko tailer bat eskainiko du, eta haren jardun artistikoaren inguruko hausnarketa egingo dute bertaratzen direnek. Saio horretan, ibilbide bat egingo da erakusketatik, eta artistaren sormen-prozesuaren inguruko ariketa bat proposatuko da.

Era berean, irailaren 29an, ECOS programaren baitan, sormenezko bitartekaritza-jarduera bat egingo da, eta beste artista batzuk gonbidatuko dira Rekalde aretoko erakusketekin hartu-emanak izan ditzaten. Artistaren erakusketa-proposamenarekin harremana izatea lortu nahi da.