Silvia Sanchezen ‘Eboluzioa inperfekziotik: arte tradizionalak errealitate birtualera egiten du jauzi’ erakusketa ikusgai Iruñean

Bere obrak emakumea du oinarri. Bere hauskortasunetatik bere gotorlekuetara eboluzionatzen duen emakumea. Emakumeak emozioak eta bizipenak islatzen ditu bere obran. Gauza txikien garrantzian ardaztutako obra. Jendeari irribarreak azaleratzen. Sinpletasun figuratibotik sinbolismo ia surrealistara egiten du jauzia. Istorio pertsonal ederrez betetako obra. Martxoaren 31ra arte bisitatu ahal izango da Ziudadelako Labean.

Akuarelak eta marrazkiak dira, murgilketa birtualeko errealitatearekin uztartuta, Silvia Sanchez artistaren (Bilbo, 1970)  erakusketaren osagaiak. Eboluzioa inperfekziotik: arte tradizionalak errealitate birtualera egiten du jauzi du izena Ziudadelako Labean paratu duten mostra eta helburua teknologiari esker modernitateari keinu bat egitea da, baina tradiziotik abiatuta.

Erakusketak arte tradizionalak teknologiaren bidez nola eboluzionatzen duen ikusteko aukera ematen du, publiko guztiarengana iristeko, baita artearen modu tradizionalekin lilura galduta duten gazte/jatorrizko digitalengana ere. Era berean, erakusketan daude, alde batetik, animazio digitala egiteko inspirazio iturri izan diren zazpi lan fisikoetatik bost, eta beste aldetik, 360 graduko 3D animazio bat. Animazio horrek murgiltze-esperientzia bat eskaintzen du errealitate birtualeko betaurreko batzuen bidez, artea, teknologia, musika eta emozioak uztartuta.

Emakumea da protagonista

Bere obrak emakumea du oinarri. Bere hauskortasunetatik bere gotorlekuetara eboluzionatzen duen emakumea. Emakumeak emozioak eta bizipenak islatzen ditu bere obran. Gauza txikien garrantzian ardaztutako obra. Jendeari irribarreak azaleratzen. Sinpletasun figuratibotik sinbolismo ia surrealistara egiten du jauzia. Istorio pertsonal ederrez betetako obra.

Artistarentzat, arte tradizionala zein digitala baliozkoak dira bere obraren mezua egokiago transmititu ahal izateko, elkarrekin bizi eta aberastuz, hizkuntza publiko bakoitzari egokitzean. Arte munduan baliabide digitalen erabilerari buruzko eztabaida bereziki beroa izan den urte baten ondoren etorri da erakusketa. Areto berean jasotako elkarrizketa honek aukera ematen dio artistari bere lan originala eta digitala erakusteko eta, publikoari, jada hemen dagoen etorkizuneko mundu bati buruzko bere iritzia sortzeko.

Eboluzioa inperfekziotik: arte tradizionalak errealitate birtualera egiten du jauzi erakusketa martxoaren 31ra arte bisitatu ahal izango da Iruñeko Ziudadelako Labean.