Euskal Herriko periferiako ikastolei aitortza egingo diete martxoaren 10ean, Beskoitzen

Ikastolak Herriari egitasmoaren baitan egingo da Non eta mugan izeneko ekitaldia. Aitortza ekitaldia biribiltzeko, egun osoko egitaraua prestatu dute ikastolen jaiek, jolas, pailazo, bazkari  eta Bizkarsoro filmaren proiekzioarekin, besteak beste.

Euskal Herrian badira periferiatik euskara lantzen duten eragile ugari, horietako bat Ikastolen mugimendua da. Ikastolen Elkarteak zehaztu duenez, “ikastolek historian zehar toki guztietan izan dute misio bera, periferiako ikastolek ere badute: jendartea euskalduntzeaz gain, euskalduntasun horren bitartez euskal kultura indartzea. Hori baita euskal identitatea garatzeko bide sendoena”.

Elkartearentzat ez da erraza izan ikastola hauek pairatzen duten egoera sozio-politikoari aurre egitea, eta oraindik ere zaila izaten jarraitzen duela dio. “Aurrera egiteko dedikazio eta militantzia handia behar izaten dute. Horregatik beharrezkoa da Euskal Herriaren periferian euskararen alde lan egin duten eragileei aitortza egitea”.

Honako hauek dira Euskal Herriaren periferian koka daitezkeen zortzi ikastolak eta, beraz, Beskoitzeko ekimenean ordezkatuta egongo direnak: Beskoitzeko Ikastola, Sohütako Eperra Ikastola, Zangozako Ikastola, Lodosako Ibaialde Ikastola, Tuterako Argia Ikastola, Vianako Erentzun Ikastola, Oiongo San Bizente Ikastolan eta Balmasedako Zubi Zaharra.

Eguneko egitaraua

10:00etan, Harrera – gosaria.

11:00etan, Periferiako ikastolei aitortza ekitaldia.

12:30ean, Haurren jolasak, puzgarriak eta Pontx pailazoa.

14:00etan, Bazkaria.

17:00etan, Bizkarsoro filmaren proiekzioa.

18:30ean, Ekitaldiaren itxiera.