Artium Museoak eta Zas Kultur espazioak egonaldi artistikoa egiteko deialdia abiatu dute

Ekainaren 30era arte egongo da parte hartzeko eskaerak aurkezteko epea zabalik.

Arte-sorkuntza garaikidea Araban sustatzeko helburuarekin, Gasteizko Artium Museoak eta Zas Kultur espazioak egonaldi artistikoa egiteko deialdia abiatu dute. Zehaztu dutenez, “deialdi hau hainbaten arteko lan-eremu batean proiekturen bat garatu nahi duten 35 urtera bitarteko artistei zuzenduta dago, zeinei eskainiko baitzaie museoko eta espazioko lantaldeen laguntza profesionala”. Hala, “deialdiak ikusgaitasun-espazio berri bat eman nahi dio Arabako artearen testuinguruari, sorkuntza garaikidea eta proposamen-artistikoen ikusgarritasuna bultzatuz”.

Egonaldiak laguntza, baliabide teknikoak eta ikusgarritasuna uztartzen dituen lan-ingurunea eskainiko du. Laguntzaren barne daude 1.500 € gordineko zuzkidura, ekoizpenerako babesa eta 500 €-ko dietak, Artium Museoko lan-espazio baterako sarbidea eta baliabide teknikoak eta dokumentu-artxiboak proiektuaren behar espezifikoen arabera. Proiektua irailaren lehen hamabostaldian aurkeztu beharko da.

Parte hartzeko eskaerak aurkezteko epea ekainaren 30era artekoa izango da. Interesa dutenek egoitzan garatu beharreko proiektuaren proposamena eta ikusgarritasuna bidali beharko dituzte, baita gutxi gorabeherako lan-egutegia ere, besteak beste. Eskabideak posta elektronikoz bidali beharko dira deialdiak@artium.eus / espaciozas@gmail.com  helbideetara, Artium Museoa-Zas Kultur 2025 egoitza deialdia gaiarekin. Dokumentu guztiak PDF fitxategi bakar batean bildu beharko dira. Artium Museoak eta Zas Kultur-ek uztailaren 10ean argitaratuko dute deialdiaren ebazpena.

Oinarriak, hemen.