Abel Azkona artista nafarrak ‘Monumentu bat familiari’ erakusketa zabalduko du larunbatean, Gasteizen

Artistak berak bizitzan bildutako dokumentu-material ugari eta ikus-entzunezko piezaren bat biltzen ditu.

Gasteizko Montehermoso Kulturguneak Abel Azkonaren Monumentu bat familiari izeneko erakusketa paratu du. Honetan, azken urteetan artista nafarraren ibilbidea markatu duten performance-irudi eta lan esanguratsuen multzoa biltzen da, izaera autobiografiko, politiko eta biziki gordin batetik sortuak. Artistak, berak bere bizitzan bildutako dokumentu-material ugari eta ikus-entzunezko piezaren bat biltzen ditu.

La savia, Empatía y prostitución, Exégesis de la madre o Volver al padre bezalako piezekin, erakusketak artistaren lanaren ardatz nagusiak zeharkatzen ditu: haurtzaroa, gorputza, indarkeria egituratua, trauma, identitatea eta erresistentzia. Amaiera baten ordez, erakusketa hau sintesi bizitza bat da: bere historiaren eta botere sistemekiko konfrontazioaren arteko adiskidetze-prozesu bat.

Azkonak bere biografia du sormen artistikoaren oinarri, ikuslea egia, memoria eta deserosotasunetik interpelatzen duen praktika baten bidez. Ekintza-artearen mugan kokatzen da bere lana eta honek ezabatu egiten ditu pertsonalaren eta politikoaren, intimoaren eta kolektiboaren arteko mugak.

Monumentu bat familiari geldialdi bat egitera gonbidapen bat ere bada; minari, zaurgarritasunari eta erresilientziari aurrez aurre begiratzera; eta artea zer lekutan kokatzen den galdetzera, testigantza eta borroka bihurtzen denean.

Erakusketa ekainaren 28tik irailaren 28ra bitartean egongo da zabalik, Montehermoso kulturgunean.